شاہی امام پنجاب کا فتویٰ
لدھیانہ 3اگست : ہریانہ کے سابق وزیراعلیٰ چندر موہن عرف چاند میاں کی طرف سے دوسری شادی کرنے کیلئے کئے گئے جھوٹے قبول اسلام کے ڈرامے کا اس ہفتے اس وقت ڈراپ سین ہوگیا جب چند موہن نے حصار کے ایک مندرمیں بشنوئی دھرم گرو کے سامنے دوبارہ ہندو بشنوئی دھرم اپناتے ہوئے شدھی کرن کروالیا، گزشتہ چار روز ہوئے اس شدھی کرن پر چند موہن کو مسلمان بتانے والے چند کٹھ ملا ؤں کی جانب سے کوئی رد عمل نہ ہونے پر آج مجلس احراراسلام ہند کے قومی صدر اور پنجاب کے شاہی امام مولانا حبیب الرحمن ثانی لدھیانوی نے شدید رد عمل کا اظہار کرتے ہوئے کہاکہ چند رموہن کے ہاتھوں اسلام کو فروخت کرنے والے کٹھ ملا شریعت اسلامیہ کے مجرم ہیں، آج یہاں جامع مسجد لدھیانہ میں بلائی گئی پریس کانفرنس کو خطاب کرتے ہوئے پنجاب کے شاہی امام مولانا حبیب الرحمن ثانی لدھیانوی نے کہا ہم نے تو حالات اور حقیقت کے مطابق اس وقت ہی فتویٰ جاری کردیا تھا کہ چند موہن مسلمان نہیں ہے اس نے صرف قانون سے بچ کر عیاشی کے لئے مسلمان ہونے کیا سرٹیفیکٹ لیا ہے ایسے انسان کو مسلمان نہیں مانا جاسکتا، شاہی امام نے کہاکہ جب ہم نے چاند محمد ثابت کرنے کے لئے اسلامی شریعت کی مخالفت کی بلکہ اس فتویٰ کے خلاف نام نہاد بیان بازی بھی تادیر جاری رکھی ، پنجاب کے شاہی امام مولانا حبیب الرحمن ثانی لدھیانوی نے اسلام کو چاندی کے چند سکو ں کی خاطر فروخت کرنے والے کٹھ ملاؤں پر برستے ہوئے کہا کہ چند موہن کو چاند محمد ثابت کرنے والے کہاں ہیں اب ان کو سانپ کیوں سونگھ گیا ہم نے اسے مسلمان مانتے ہی نہیں تھے ان کٹھ ملاؤں نے اسے مسلمان مانا اس کی امداد کی کیا اب یہ اسلام کے مطابق اس کے ارتداد کا فتویٰ جاری کریں گے؟
شاہی امام نے کہا کہ ان لوگوں کو معلوم تھا کہ یہ شخص صرف قانون سے بچنے کے لئے یہ کھیل کر رہا ہے لیکن انہوں نے اپنا ضمیر بیچ دیا اور پھر ناصرف کروڑوں مسلمانوں کے جذبات کو مجروح کیا بلکہ اسلام کا بھی مذاق اڑایا ،شاہی امام پنجاب نے کہا کہ چند موہن بھی اسلام کا مجرم ہے اس نے اپنے مفاد کے لئے مذہب اسلام کو بدنام کیا اور کروڑوں مسلمانوں کے جذبات کو مجروح کیا اس لئے ہماری جماعت مجلس احراراسلام ہند چند موہن کے خلاف عدالت میں مقدمہ دائر کرے گی ، انہوں نے کہا کہ ہندوستان جمہوری ملک ہے یہاں کسی کو یہ اختیار نہیں کہ وہ کسی مذہب کے ساتھ کھلواڑ کرے، پنجاب کے شاہی امام مولانا حبیب الرحمن ثانی لدھیانوی کٹھ ملا ؤں پر جم کر برسے انہوں نے کہا کہ ان بکاؤں ملاؤں نے چند موہن کو لیکر اسلام کے ساتھ جو ناپاک مذاق کیا ایسا کبھی اسلام کی تاریخ میں نہیں ہوا ،ان ملاؤں نے چند موہن کے لئے اسلام کا جم کر غلط استعمال کیا،پہلے اسے قانون سے بچ کر عیاشی کرنے کیلئے مسلمان ہونے کی سنددیکر اسکو فرضی نکاح نامہ دیا اور پھر جب اس کا دل بھر گیا تو اسے بتایا کہ تین طلاق دو اور بیوی سے نجات پاؤ اور پھر جب چند موہن دوبارہ اپنی بیوی کو تین نہیں دو طلاق دی ہیں اسے دوبارہ وہ اپنے نکاح میں رکھا جاسکتا ہے ،شاہی امام نے کہا کہ کتنے شرم کی بات ہے کہ ان ملاؤں نے حالات کے مطابق چند موہن کو اسلام کی ڈھال بنا کر دی تاکہ اسکو بچاسکیں ، پنجاب کے شاہی امام مولانا حبیب الرحمن ثانی لدھیانوی نے ان کٹھ ملاؤں پر تنز کرتے ہوئے کہا کہ ہم نے ہمیشہ حق بات کہی ہے کبھی حکومتوں سے مرعوب نہیں ہوئے ہم نے چند رموہن کو مسلمان ہی نہیں مانا اس لئے اس کے ارتداد کا فتویٰ ہم نہیں دے رہے ان کٹھ ملاؤں نے تو اسے مسلماننہ صرف مانابلکہ اس کی تائید اور مدد کی اب یہ کیوں نہیں اس کے ارتداد اور اس کی سزا کا فتویٰ دیتے ؟
http://newageislam.com/urdu-section/چندر-موہن-کو-مسلمان-بتانے-والے-کٹھ-ملاّ-کی-ا-ب-اس-کے-ارتداد-کا-فتویٰ-جاری-کریں-گے؟/d/1602
No comments:
Post a Comment